لیموں قدرت کا ایک انمول تحفہ ہے اور وٹامن سی سے بھرپور ہوتا ہے-لیموں میں وٹامن بی، کیلشیم، فاسفورس اور پوٹاشیم بھی مختلف مقدار میں پائے جاتے ہیں۔ بے شمار فوائد کے حامل لیموں کو جب پانی میں شامل کیا جاتا ہے تو اس کے فوائد میں مزید اضافہ ہوجاتا ہے- لیموں کے شربت یا رس جسے بعض اوقات لیموں پانی بھی کہا جاتا ہے کو ضرور ہمیں اپنی روزمرہ زندگی کا حصہ بنانا چاہیے-
لیموں وٹامن سی سے بھرپور ہوتا ہے اور یہ وٹامن جسمانی دباؤ کو کم کرتا ہے- یہی وجہ ہے کہ ماہرین دباؤ کی صورتحال میں وٹامن سی سے بنی سپلیمنٹ کے استعمال کا مشورہ دیتے ہیں- اس کے علاوہ یہ وٹامن انسان کے مدافعتی نظام کو بہتر اور مضبوط بنانے کی بھی صلاحیت رکھتا ہے-
صبح سویرے نہار منہ پانی میں لیموں کا رس نچوڑ کر پینے سے انسان کا جسم تروتازہ ہوجاتا ہے- یہ جوس پورے دن کے لیے آپ کے نظامِ ہضم کو اپنے امور سرانجام دینے کے لیے مدد فراہم کرتا ہے- اگر آپ روزانہ صبح ایک گلاس لیموں کا شربت پینے کو اپنی عادت بنالیں تو آپ خود اپنے ہاضمے کے نظام کو بہتر ہوتا محسوس کریں گے-
صبح سویرے ایک گلاس لیموں کا رس یا شربت پینے سے جسم اور خصوصاً جگر کو ایک نئی قدرتی توانائی حاصل ہوتی ہے- لیموں کا شربت معدے کی تیزابیت کے ختم کرنے کے حوالے سے بھی ایک مثبت کردار ادا کرتا ہے-
لیموں کا رس پینے کا ایک بڑا فائدہ یہ بھی ہے کہ یہ جسم میں موجود زہریلے مادوں کو باہر نکال دیتا ہے اور یوں انسان چست و توانا رہتا ہے-

Sharing is caring!

شیئر کریں