انڈا ایک ایسی خوراک ہے جو غذائیت سے بے حد بھرپور مانا جاتا ہے اور سب ہے، انڈے میں کیلشیم، آئرن اور پروٹین کی وافر مقدار موجود ہوتی ہے، اس لئے اگر آپ صِرف ایک انڈا بھی کھا لیں تو آپ کو دن بھر کی ضروری غذا مل جاتی ہے۔
یوں تو سب کو ہی انڈا بے حد پسند ہوتا ہے مگر کچھ لوگوں کو قدرتی طور پر اس سے الرجی بھی ہوتی ہے، لیکن اگر بات کی جائے موسم کی تو ذہن میں سب سے پہلا سوال اُٹھتا ہے کہ آخر گرمی کے موسم میں ایک دن میں کتنے انڈے کھانے چاہیئے؟؟؟
تو چلیں ہم بتاتے ہیں کہ گرمی کے موسم میں کتنے انڈوں کا استعمال آپ کی صحت کے لئے مفید ثابت ہو سکتا ہے۔

اکثر لوگ کہتے ہیں کہ گرمی میں انڈے کا استعمال نہیں کرنا چاہیئے کیونکہ اس کی تاثیر گرم ہوتی ہے، لیکن یہ بات بلکل غلط ہے، مانا کہ انڈا ایک گرم غذا ہے مگر اس کا یہ مقصد ہر گز نہیں کہ گرمی میں اس کا استعمال منفی اثرات دے سکتا ہے۔ دراصل گرمی کے موسم میں روزانہ ایک انڈے کا استعمال صحت کے لئے مفید ہے اور اس کے کوئی سائیڈ افیکٹ بھی نہیں ہیں۔

انڈا کھانے سے امراضِ قلب کا خطرہ کم ہوتا ہے، ایک تحقیق کے مطابق انڈوں میں موجود کولیسٹرول صحت کے لیے نقصان دہ نہیں ہے اور اس میں موجود اومیگا تھری، فیٹی اسیڈز، ٹرائی گلائیسرائیڈز کی سطح میں کمی لاتا ہے ساتھ ہی امراضِ قلب سے دور رکھتا ہے۔

انڈا کھانے سے وزن کم ہو سکتا ہے ایک تحقیق میں بتایا گیا ہے کہ اگر انڈوں کے ساتھ ناشتے میں کم کیلوری والی غذا استعمال کی جائے تو جسمانی وزن میں تیزی سے کمی آجاتی ہے۔

انڈا کھانے سے بینائی محفوظ رہتی ہے، انڈے میں لیوٹین نامی جُز کی موجودگی بینائی کا تحفظ کرتا ہے، جب کہ اس جُز کی کمی آنکھوں کے لئے خطرناک بھی ہے۔

انڈے میں وٹامنز بی موجود ہوتا ہے اور یہ جسم میں ایسے ہارمونز کو پیدا کرتا ہے جو بانجھ پن سے بچاﺅ کے لیے ضروری ہے، یاد رہے کہ وٹامن بی نائن یا فولک ایسڈ خون کے سرخ خلیات کو بہتر بناتا ہے جبکہ یہ بچوں کی نشونما کے لئے بھی مفید ہے۔

انڈے کا استعمال جسمانی صحت کے ساتھ ساتھ بالوں اور جلد کے لئے بھی بہت مفید ہے، اس کو کھانے کے ساتھ ساتھ بالوں اور چہرے پر لگانے سے بھی کئی مسائل حل ہوتے ہیں۔

Sharing is caring!

شیئر کریں